Актуелниот европски шампион Челси во четвртфинале на Лигата на шампиони (ЛШ) ќе игра против Реал Мадрид.
Ждрепката во Нион беше интересна затоа што ни донесе дуел и меѓу Манчестер сити и Атлетико Мадрид, додека останатите два пара од четвртфиналето се составени од Виљареал и Баерн Минхен, односно Бенфика и Ливерпул.
Првите четвртфинални дуели се играат на 5 и 6 април, додека реваншите се закажани за 12 и 13 април.
Денеска беа извлечени и паровите од полуфиналето, па така победникот од мечот меѓу Челси и Реал Мадрид ќе игра во полуфинале против Манчестер сити или Атлетико Мадрид.
Додека подобриот од мечот меѓу Бенфика и Ливерпул ќе игра за финале против победникот од мечот меѓу Виљареал и Баерн.
