Сите го чекаат јануарскиот преоден рок за да ги засилат своите екипи пред вториот дел од сезоната, а Реал Мадрид веќе се поврзува со неколку големи ѕвезди.
Тренерот на шпанскиот шампион, Зинедин Зидан, кажа дека Реал во јануари нема да се засилува.
„Ќе ги чуваме парите. Ситуацијата е комплицирана, нема да бараме нови фудбалери во моментов“, вели Зидан.
Французинот даде коментар и за најавите дека ќе биде формирана нова европска Суперлига.
„Најважно е тоа што секој тим ќе го избере тоа што е најдобро за него. Ние сме посветени на играта на теренот и ќе го играме натпреварувањето кое мораме. Суперлигата во моментов не е реалност“, објасни Французинот.
