Фудбалерот на Реал Мадрид, Орелиен Чуамени откри дека Килијан Мбапе минатото лето го убедувал да потпише за ПСЖ.
Чуамени привлече интерес на многу гиганти, а потоа разговарал со неговиот колега за иднината, по што Мбапе му кажал дека ПСЖ е идеално место за него.
„Имав интересен разговор со Мбапе. Сакаше да знае какви ми се плановите. Во јуни тој реши да остане во ПСЖ и потоа ме убедуваше и јас да потпишам за францускиот тим. Меѓутоа, јас мојата одлука ја донесов многу порано“, кажа Чуамени.
Чуамени имаше одлична сезона во Монако, по што се пресели во Реал Мадрид, а досега за „кралевите“ одигра 17 дуели во сите натпреварувања.
