Ако имаше дилеми кој ќе ја освои титулата во Ла Лига, од вечерва истите ги нема затоа што за титулата на Барселона сега и се потребни само три бода.
Атлетико Мадрид го доживеа најтешкиот пораз оваа сезона откако на „Сан Себастијан“ изгубија од Реал Сосиедад со високи 3:0.
Првиот гол на средбата падна во 27. минута кога Вилијан Хозе погоди за 1:0, а останатите два беа дело на Хуанми и тоа во 80. и 92. минута од средбата.
По 33 коло, Атлетико и понатаму е втор, но сега со 12 бодови помалку од Барселона. До крајот „јорганџиите“ ќе се борат за оваа позиција со својот најголем ривал, Реал Мадрид.
