Екипата на Динамо Загреб покажа сила во денешниот пријателски натпревар против Работнички кој се одигра во Загреб.
„Модрите“ го победија нашиот тим со 4:0, а работата ја завршија уште во првото полувреме кое го добија со 3:0.
Во 15. минута Марио Шитум го отвори резултатот, а истиот играч во 28. минута зголеми на 2:0. Резултатот во првото полувреме го комплетираше Дино Периќ, додека конечниот резултат го постави Антонио Марин на стартот на вториот дел, во 48. минута.
Ова е втор убедлив пораз во вториот пријателски натпревар за Работнички ова лето. Претходно „романтичарите“ загубија со 3:0 од Славија Софија.
