„Златна копачка“ – Меси доби нов ривал, великани ни меѓу 10!

И овој понеделник продолжуваме да ја следиме трката за Златната копачка.

Лидер и понатака е Лионел Меси, кој во неделата постигна два погодоци во победата над Валенсија (4:2), а интересно дека Кристијано Роналдо во оваа недела не е ни меѓу 10, како ни Гонзало Игуаин и Мауро Икарди кои беа во претходните недели.

За разлика од минатата недела, кога одма позади Меси беше Андреа Белоти, сега во трката се вмеша напаѓачот на Спортинг Лисабон Бас Дост кој со два гола скокна на другото место со 24 погодоци.

Во топ 10, покрај двојните стрелци Меси и Дост, ссо хет-трикот е напаѓачот на Келн Ентони Модест кој скокна на делбата на четвртото место со Белоти.

По еден погодок постигнаа Пјер Емерик Обамејанг, Един Џеко и Луис Суарез, додека Ромелу Лукаку ги прескокна Гонзало Игуаин и Кристијано Роналдо и сега е меѓу топ 10.

Листата од 10 најдобри стрелци во Европа во ова недела го затвора Единсон Кавани кој не постигна гол втор викенд по ред, па остана на учинокот од 27 погодоци, но поради коефициентот во Лига 1 е на дури на десеттото место.

Титулата најдобар стрелец во Европа ја брани Луис Суарез, кој и понатака е во трка за оваа престижна награда, доколку го помина својот соиграч Лионел Меси и останатите голгетери.