Јапонскиот репрезентативец, Шинји Кагава оваа сезона имаше скромна минутажа во Борусија Дортмунд, за кој настапи на само два меча во Бундеслигата.
Веќе некое време овој играч не е во првите планови на клубот од Дортмунд, па затоа реално е да се очекува наскоро да ја промени средината бидејќи моменталната ситуација не одговара ниту нему, ниту Борусија.
Кагава зборуваше за шпански АС, и призна дека сонува да игра во Ла Лига.
„Сакам да ја решам оваа ситуација во која сега се наоѓам. Веројатно решението е да побарам нов клуб, нов предизвик. Не се плашам за промена, таков човек сум“, започна Кагава и додаде:
„Веќе играв во Германија и Англија, ја освоив Бундеслигата и Премиер лигата и сега размислувам за заминување во Шпанија. Тоа би се сметало за нов предизвик во мојата кариера. Не сакам да ја завршам кариерата, а да не одиграм барем една сезона во Ла Лига“.
Шинји Кагава кариерата ја започна во Церезо Осака, од кадешто во 2010. година пристигна во Борусија Дортмунд. Две години подоцна е продаден во Манчестер Јунајтед, но се врати во Дортмунд 2014. година и изминатото лето го продолжи договорот до јули 2020. година.
