Белгискиот фудбалер, Аднан Јанузај пред неколку години беше еден од најголемите европски таленти, но никогаш не успеа да го искористи својот потенцијал.
Јанузај има 22 години и требаше да има важна улога во Манчестер Јунајтед, но е праќан на позајмици во други клубови.
Белгиецот со косовско потекло прво беше на позајмица во Дортмунд каде не се адаптира, па потоа во Сандерленд, но и таму не покажа многу.
Аднан Јанузај има договор уште една година со црвените ѓаволи, но англиските медиуми тврдат неговата судбина е позната.
Тренерот на Манчестер Јунајтед, Жозе Мурињо процени дека Јанузај нема да може да му помогне и на лето ќе биде ставен на трансфер листата.
Останува да се види кој клуб е заинтересиран за Јанузај кој повеќе не е атрактивен како што беше.
