Нов гол на Алиоски: Лидс го растури Вест Бромвич и се врати на врвот на табелата (Видео)

Анде Јанков - македонски автор: Тајните на пишување добар крими роман!? ↓↓↓

Екипата на Лидс со 4:0 славеше убедлива победа во дерби пресметката против Вест Бромвич Албион.

Избраниците на Марсело Биелса одиграа уште еден натпревар како по ноти и сосема заслужено ги прокнижија трите бодови кои беа од екстремно важно значење во битката за пласман во Премиер лигата.

Уште по 15 секунди Лидс дојде до предност преку Пабло Ернандез кој со одмерен удар го совлада Џонстон.  На 2:0 зголеми Патрик Бамфорд во 38. минута од средбата и со тој резултат се замина на пауза.

Третиот гол повторно беше дело на поранешниот фудбалер на Челси, додека четвртиот гол за Лидс го постигна нашиот Џани Алиоски во самиот финиш од средбата.

Ова за Алиоски е вкупно седми погодок во дресот на Лидс Јунајтед оваа сезона.

ПОВРЗАНИ НАПИСИПОВЕЌЕ ОД АВТОРОТ