Атлетико Мадрид обезбеди солидна предност против Јувентус во првиот меч од осминафиналето во Лигата на шампиони, откако во финишот успеа да победи со 2-0, додека на вториот меч Манчестер сити во последни минути славеше со 3-2 против Шалке.
Атлетико Мадрид и Јувентус одиграа возбудлив натпревар во првиот дел, но немаше голови на ниту една страна. За нив се чекаше до самиот финиш на мечот, кога шпанскиот гигант преку Хозе Хименез и Диего Годин ги постави конечните 2-0.
На вториот меч Манчестер сити стигна до предност од 1-0 преку Серхио Агуеро во 18. минута, а потоа Шалке направи пресврт (2-1) со два гола на Набил Бенталеб од пенали.
Сепак, во последните пет минути од мечот, „граѓаните“ направија пресврт со погодоците на Лирој Сане и Рахим Стерлинг и ги поставија конечните 3-2.
