Реал Мадрид можеби повеќе не купува како некогаш, но тоа не значи дека во своите редови не поседува некои од најдобрите фудбалери на светот.
Еден од најперспективните е секако Марко Асенсио чија цена расте од ден во ден, а и интересот е се поголем.
Шпански Дон Балон, тврди дека Баерн подготвил понуда вредна 120 милиони евра за да го донесе Асенсио во своите редови.
Адутот на Баварците би можело да биде и незадоволството на офанзивецот поради скромната минутажа кај Сантијаго Солари, иако Зинедин Зидан го промовираше и му пружи прилика која репрезентативецот на Шпанија знаеше да ја искористи.
Баерн сака замена за Рибери и Робен, а 23-годишниот фудбалер се вклопува во посакуваниот профил бидејќи може да игра на практично сите офанзивни позиции во редот за врска.
Германскиот шампион не е единствената заинтересирана страна, во редот се наоѓаат и ПСЖ, Ливерпул, Манчестер Сити и Челси, па управата на Баерн ќе мора да реагира што е можно побрзо.
