Пред дербито, падна најважниот потпис во Манчестер Сити! ↓↓↓
Ѕвездата на Интер, Мауро Икарди поминува тежок период во својата кариера, откако најпрво ја загуби капитенската лента во италијанскиот клуб, а потоа одби да патува со својот тим на гостувањето во Виена во нокаут-фазата во Лига Европа против Рапид (1-0).
„Газета дело Спорт“ објави дека Аргентинецот имал состанок со управата во тренинг-центарот на „нераѕурите“ за да се реши целиот хаос кој се создаде во клубот.
Интересно е тоа што состанокот меѓу Икарди и челниците на Интер траел само 15 минути, а првите прогнози се дека ништо добро не се случило.
Засега не се откриваат повеќе детали од состанокот, а најверојатно италијанските медиуми ќе ги објават во наредните часови.
Икарди не треба премногу да се грижи дури и да го загуби местото во италијанскиот клуб, зашто за него се борат најдобрите светски клубови, меѓу кои Реал Мадрид е лидер за неговиот потег.
