Реал Мадрид во наредната сезона би можел да влезе со доста изменет состав, но со неколку врвни имиња во својот тим. Кралевите бараат засилувања, а имињата со кои се поврзува Кралскиот клуб би го направиле актуелниот првак на Европа незапирлив.
Реал веќе одамна пкажа интерес за Еден Азар, а како што одат работите, голема е веројатноста наскоро тој да го облече дресот на мадридскиот тим.
Сепак, доколку Кралевите добијат и позитивен одговор и од Тотенхем, шпанскиот великан наредната сезона може да биде незапирлив.
Наводно, Реал е подготвен на Тотенхем да плати огромна сума на пари за Хари Кејн. Фантастичниот напаѓач им е прва опција на Кралевите и нивната понуда е навистина импресивна.
Реал е спремен да плати дури 170 милиони евра, но раководството на тимот од Мадрид е спремен освен парите да го прати во Тотенхем и некогашната звезда на овој тим Герет Бејл.
Реал веќе не смета на Велшанецот, а се повеќе се говори за негово заминување.
Како и да е, ќе биде занимиливо околу овие понуди, доколку во Лондон кажат ДА, многу голема е веројатноста Реал да стане незапирлив.
