Репрезентацијата на Македонија ја забележа првата победа во првата средба од квалификациите за Европското првенство што ќе се одигра во 2020 откако со 3:1 славеше против аутсајдерот Летонија.
Нашите репрезентативци одиграа феноменално прво полувреме по кое имаа водство од 2:0. Стрелци на головите беа Џани Алиоски и Елиф Елмас.
Во второто полувреме избраниците на Ангеловски се опуштија, па пред крајот на средбата примија неочекуван гол од Исаевс.
Сепак, погодокот ги мотивираше, па нашите репрезентативци додадоа на гаста, а шлагот на тортата го стави Елиф Елмас со својот втор денешен погодок кој беше маестрален. Фудбалерот на Фенербахче со финта исфрли еден играч, а потоа со надворешна на одличен начин го матираше гостинскиот голман.
Elif Elmas harika bir gol attı, harika. pic.twitter.com/Gdlrvyrbyt
— Furkan (@daralandafutbol) March 21, 2019
Fenerbache-spilleren Elif Elmas med dagens frekkeste. To gollær fra benken for 19-åringen. pic.twitter.com/IOA4LJ69a8
— Tor Henrik Stensland (@Toricharito) March 21, 2019
Со оваа победа Македонија ќе биде на првата позиција по првото коло во групата во која се уште и Полска, Австрија, Израел и Словенија.
