Денес во италијанските медиуми се појавија информации дека Лучијано Спалети од наредната сезона ќе го води Јувентус.
Сепак, тренерот на Рома денес ги отфрли овие шпекулации.
„Не потпишав никаков пред-договор со ниту еден тим. Немам што да држам во тајност, работите се јасни. Ако освојуваме трофеи, останувам, ако не освојуваме, заминувам.“
„Сметам дека оваа ситуација е кај сите. Ако нема резултати, реално е да се замине. Меѓутоа, тоа нас не треба да не вознемирува. Ние сакаме да го победиме Палермо, а за се останато ќе зборуваме подоцна.“
Рома во лошо расположение го дочекува тимот од Сицилија. Имаат 2 порази по ред и победа во овој натпревар им е императив.
Што се однесува до табелата, Рома е на 2-то место, но се наоѓаат под притисок на Наполи кој има 2 бодови помалку.
