Од таборот на Челси официјално го потврдија трансферот на Рос Баркли кој доаѓа од Евертон за сума од 15 милиони фунти.
Баркли со сините од Лондон потпиша пет и пол годишен договор и ќе го носи дресот со број 8 во дресот на Челси.
„Јас сум импресиониран, навистина сум среќен и со нетрпение очекувам да започнам да играм. Да ми се даде шанса да играм во клуб како Челси е неверојатно за мене. Очекувам да продолжам таму каде што застанав минатата сезона и се надевам дека ќе имам напредок и ќе постигнам многу голови во иднина“- коментираше Баркли веднаш по потпишувањето на договорот.
Рос Баркли е првото засилување на Челси оваа зима и е првиот позвучен трансфер во Премиер лигата во овој преоден рок.
