Од Тотенхем напорно работат на обезбедување на напаѓач за следниот период во кој ќе влезат без својот најдобар играч, Хари Кејн.
Англискиот репрезентативец се повреди на натпреварот со Манчестер Јунајтед и ќе отсуствува најмалку во следните два месеци.
Прв избор на Тотенхем наводно е напаѓачот на Ливерпул, Дивок Ориги кој би претставувал привремено решение за напаѓачката позиција.
Маурисио Покетино ќе се обиде да го донесе белгискиот интернационалец на шестмесечна позајмица, но се уште не е познато дали Клоп ќе се согласи да го прати својот фудбалер во Лондон.
Втора опција за „Петлите“ е фудбалерот кој моментов тренира со Манчестер Јунајтед, Џузепе Роси. Поранешниот италијански репрезентативец е слободен агент и би дошол без оштета во редовите на Тотенхем.
Она што може да ги натера челниците на Тотенхем за негов ангажман е тоа што тој веќе една недела тренира на високо ниво, а во јавноста доби пофалба од Оле Гунар Солскјер кој истакна дека за неговата напорна работа го пофалил лично и Сер Алекс Фергусон.
