Од таборот на Вест Хем ова лето ќе се обидат да го донесат играчот на Арсенал, Оливие Жиру.
Според еминентниот англиски спортски медиум „Скај Спортс“, Жиру е на листата на играчи од нападот кои Вест Хем сака да ги доведе ова лето.
Покрај Французинот, Вест Хем ќе се обиде да ги ангажира и Келечи Ихеанчо (Манчестер Сити), Мичи Батсуаи (Челси), Адама Траоре (Миделсбро) и Хенри Онјекуру (Еупен).
Жиру имаше солидна сезона постигнувајќи 19 погодоци за Арсенал, но стартуваше само 11 лигашки натпревари за Арсен Венгер.
Дени Велбек има предност во нападот пред Жиру, а кога Англичанецот беше повреден него го менуваше Санчез, па затоа многу е веројатно дека поранешниот играч на Монпелје ќе треба да ја менува средината. Згора на тоа, Арсенал силно се поврзува и со трансфер на Килијан Мбапе и Александре Лаказет.
