Шанса да станеш YouTuber! Приклучи се! ↓↓↓
Легендарниот Сер Алекс Фергусон на денешен ден 1986. година именуван е за менаџер на Манчестер Јунајтед, веројатно не насетувајќи дека на клупата на „Црвените ѓаволи“ ќе мине цели 27 години.
За оние кои не знаат или заборавиле, последниот тренер на Јунајтед пред Алекс Фергусон беше Рон Аткинсон, кој на почетокот на ноември 1986. година заработи отказ.
Меѓутоа, на 6. ноември истата таа година почна една нова ера која траеше речиси три децении. Фергусон го презеде Јунајтед откако освои неколку трофеи со Аберден, а потоа израсна во централна фигура во богатата историја на клубот од „Олд Трафорд“.
За време на своето 27-годишно владеење, Алекс Фергусон на „Олд Трафорд“ донесе неверојатни 38 трофеи, вклучувајќи 13 титули во Премиер лигата, два трофеи во Лигата на шампионите и пет во рамки на ФА Куповите.
Манчестер Јунајтед беше предводен на вкупно 1500 натпревари од Сер Алекс Фергусон, од кои победи на 895. „Олд Трафорд“ го напушти по завршувањето на сезоната 2012/13. и тоа како шампион на Англија.
Алекс Фергусон денес има 76 години и пред неколку месеци доживеа мозочен удар, а неговата здравствена состојба беше нестабилна. За среќа, успеа да закрепне и денес повремено присуствува на натпреварите на својот сакан клуб.
