Францускиот фудбалер Осман Дембеле не се наоѓа во најдобри односи со тренерот Ернесто Валверде во последно време.
Барселона во средата го победи Интер на „Камп ноу“ со 2-0, а Дембеле натпреварот го гледаше од клупата, иако се очекуваше да игра наместо повредениот Лионел Меси.
Наводно, пред почетокот на оваа недела Дембеле задоцнил на еден тренинг на Каталонците, а таа вест ја пренесоа сите спортски медиуми.
Дембеле најде таква објава на Инстаграм и реши да остави коментар, а со тоа и да демантира дека задоцнил на тренинг.
