Напаѓачот на Челси, Диего Коста го пропушти натпреварот против Лестер кој беше одигран во саботата.
Како причина се наведува неговата повреда, но јасно е дека тој се наоѓа во караница со Конте, кој намерно не го повика во тимот поради „непочитување на одлуката на стручниот штаб“.
Дека Коста направи некои грешки зборува и инфорацијата дека е исфрлен од тимот, а денес во јавноста се појавија слики на кои се гледа дека тој тренира сам.
Коста беше единствен фудбалер на теренот, а со него беше само еден од помошниците тренери на Челси.
Медиумите наведуваат дека Коста сам си ги донесувал топките со кои тренирал и дури самиот морал да го поместува живиот ѕид.
Неговиот тренинг траеше отприлика еден час, а ова е прв пат тој сам да тренира откако се појавија шпекулациите за негово заминување.
Се споменуваше заминување во Кина, но Абрамович нема да го пушти да замине во јануари.
