Хрватскиот напаѓач Никола Калиниќ минатото лето стигна во Милан како големо засилување од редовите на Фиорентина.
Сепак, Калиниќ во досегашниот дел од сезоната комплетно потфрли и не ги оправда очекувањата на фановите и фудбалските аналитичари. Иако е само шест месеци на „Сан Сиро“ веќе почнаа шпекулациите дека ќе си замине од Милан и ќе се пресели во Кина.
Сепак, според италијанските медиуми Калиниќ одбил неколку богати понуди од Кина меѓу кои и на тимот од Гвангжу Евергранде кој му понудил најмногу пари.
Хрватот наводно истакнал дека сака да се докаже во Милан и дека не сака во јануари да го напушти клубот.
