Един Џеко блескаше на натпреварот од третото коло во Лигата на Шампионите, каде што неговата Рома ги одмери силите со англискиот Челси.
Неверојатниот натпревар заврши со резултат од 3:3.
Босанскиот репрезентативец играше одлично и два пати се запиша во листата на стрелците.
Првиот погодок беше фантастичен, а после натпреварот свој коментар даде и легендата на Лондонскиот клуб, Френк Лампард, кој што беше воодушевен од босанскиот репрезентативец.
„На тренинг можете да пробате 50 пати таков волеј, но прашање е и тогаш дали ќе постигнете ваков прекрасен погодок“, изјави Лампард.
