Од таборот на Лестер официјално соопштија дека го комплетирале трансферот на талентираниот напаѓач Фусени Диабате кој доаѓа од редовите на Ајачио.
22 годишниот интернационалец од Мали може да игра како напаѓач и на двете крилни позиции, а со некогашниот шампион во Премиер лигата потпиша четири и пол годишен договор.
Брзиот и талентиран офанзивен играч оваа сезона за Ајачио има вкупно 20 настапи на кои постигнал три погодоци.
Се очекува Диабате прво да добие шанса во у23 тимот на Лестер, а во следните месеци да добие шанса од Клод Пуел и во првиот состав на тимот.
