Анде Јанков - македонски автор: Тајните на пишување добар крими роман!? ↓↓↓
Габриел Омар Батистута не живееше живот кој што го сакаше. Иако со години беше најдобар играч во Серија А додека го носеше дресот на Фиорентина, Рома, подоцна и Интер.
Во Фиренца и понатаму се станува и се става рака на срце кога ќе се спомене Батистута, но тој со нив не успеа да ја освои Серија А. По доаѓањето во Рома, стана крал на Италија. А најголема жал е тоа што трофејот за освојувач на првенството на Италија не го подигна во дресот на Фиорентина.
1996 година доби бронзена статуа во градот во чиј тим играше и беше верен и кога во 1993 година испаднаа во Серија Б.
Со нив го освои Купот на Италија и Суперкупот. Тоа што е интересно, за еден од најдобрите играчи кои можеме да ги гледаме, е тоа што тој со фудбал почнал да се занимава случајно.
Сакал кошарка повеќе, меѓутоа кога Аргентина во 1978 година го освои СП, беше фасциниран од игрите на Марио Кемпеш. Се посвети на најважната споредна работа во светот и стана еден од најдобрите играчи на својата генерација.
„Јас не сакам фудбал. Тоа е само моја работа.“
По фудбалската кариера која ја заврши во 2005 година, тој се посвети на голфот и полото кое со задоволство го игра.
Професионално играше од 1988 година, кога потпиша за Њуелс Олд Бојс во Аргентина. Потоа играше во Ривер Плејт, па во Бока Јуниорс и на крајот во Фиорентина во 1991 година.
Кариерата му ја одбележаа неколку повреди. Во историјата кажа дека имал толку болку, што не можел да се поместува, па често мокрел во креветот.
Поради болки во скочниот зглоб му се закануваше ампутација на тој дел од телото.
Во кариерата има повеќе од 550 одиграни натпревари и повеќе од 300 постигнати голови. По две сезони во Ал Араби, се повлече од фудбалот.
Само кратко работеше како ТВ коментатор за Телевис Депортес. Моментално води и управува своја градежна фирма. Кратко работеше и како советник во ФК Колон, но секогаш стоеше на тоа дека фудбалот е само работа.
За Аргентина одигра 78 натпревари и постигна 56 голови во 11 години.
Тој беше брз играч, вредно работеше на теренот, а имаше и голем талент за гол. Беше еден од најкомплетните играчи на сите времиња, добар со топка, скок игра, силен во дуел. Во кариерата немаше скандали, ниту водеше бурен живот надвор од теренот.
Беше вистински водач на тимот и најверојатно еден од најдобрите примери на фер-плеј играч.
