Шанса да станеш YouTuber! Приклучи се! ↓↓↓
Франсускиот експерт, Арсен Венгер се огласи по гласините за преземањето на кормилото на Милан.
68-годишниот тренер во текот на изминатите месеци се поврзуваше со многубројни екипи. Меѓутоа, се уште Французинот не одлучил каде и што ќе прави, но одлучи да им стави крај на сите шпекулации.
„Ме испраќате секаде откако сум без работа. Не ги слушајте трачевите“, истакна Венгер и продолжи:
„Јас ќе работам од следната година, но искрено не знам каде. Да знам, би ви кажал. Не сакам да лажам, а не можам ниту да ви дадам било каква информација бидејќи навистина ништо не знам“.
Поврзувањата со Милан се лага…
„Единствено што можам да ви кажам е тоа дека лага е дека постои некаков договор со Милан. Да сум потпишал договор, би ви кажал. Моментално сум фокусиран на договорот со BeIN Sports и тоа не е ниту малку лесна работа“, порача Венгер.
