ФК Работнички беше единствениот македонски клуб кој доби покана да биде гостин на јубилејниот, 120 роденден на италијанскиот гигант Јувентус.
Генералниот секретар на „Романтичарите“ Ненад Монев го следеше натпреварот Јувентус- Бенвенто, а потоа беше дел и од роденденската прослава на клубот. За таа цел од Работнички испратија скромен подарок за Јувентус, шише вино од винарската визба „Тиквеш“ кое беше специјално полнето и брендирано.
„Беше чест да се биде дел од роденденското дружење таа вечер во Торино, со претседателот на клубот Андреа Ањели, потпретседателот Павел Недвед и со колегата Генерален секретар на Јувентус, Маурицио Ломбардо“, истакна генералниот секретар на Работнички, Ненад Монев.
