Засилувањето на страничните позиции ќе биде приоритет за Јувентус во наредното лето.
Во Јувентус се свесни дека својата последна сезона во клубот ја играат Лихштајнер и Асамоа додека на адресата на „Бјанконерите“ наредното лето би можеле да стигнат и неколку понуди за Алекс Сандро.
Во клубот ќе се врати Спиначола од позајмица, но нема сомнеж дека управата на клубот од Торино ќе направи се што е потребно за да најде нов квалитетен бек.
Идеално засилување би бил играчот на Манчестер јунајтед, Матео Дармијан, кој најверојатно ќе замине од Островот на крајот на сезона.
Втора опција наводно е Хосе Гаја од Валенсија. Талентираниот Шпанец настапува како лев бек, па би бил нешто поскап од Дармијан, но исто така е шест години помлад.
