Репрезентацијата на Бразил вечерва го освои златниот медал на фудбалскиот турнир на Олимписките игри во Рио де Женерио.
Бразилците предводени од Нејмар стигнаа до победа над Германија, а освојувачот на турнирот е одлучен после изведување на пенали.
Регуларните 90 минути завршија со резултат 1:1, а Бразилците после пенали славеа со 5:4. Се играше 27 минута кога Бразил стигна во предност од 1:0. Нејмар од слободен удар фантастично погоди за водство на својата селекција и со тој резултат се отиде на одмор.
Мејер во 59 минута донесе на Германија израмнување, а тоа беше резултаткој остана на сила и по истекот на регуларните 90, но и дополнителните 30 минути.
Се пристапи кон изведување на пенали, а фудбалерите на двете селекции беа прецизни.
Со една страна погодуваа Аугусто, Маркињос, Рафиња и Луан, а од друга страна Гинтер, Гнарди, Брандт и Суле, се додека Петерсен во петтата серија не промаши.
Нејмар на крајот беше сигурен реализатор и донесе на својата селекција успех кој долго го чекаше.
Во оваа победа Бразил на некој начин се гледа и како одмазда за бламата во полуфуналето на Сп во 2014 година, кога Германија на пат кон титулата светски шампион ја демолираше Бразил со резултат 7:1.
