Најдобриот тенисер во светот, Новак Ѓоковиќ по освојувањето на наградата „Лауреус“ емотивно пренесе некои моменти од својата улога на татко.
Ѓоковиќ за „Хамбургер Морген Пост“ откри како е да се балансира животот меѓу големите тениски обврски и приватниот живот.
„Да се биде родител е најдобра работа во животот. Најголемиот благослов и предизвик. Понекогаш не сум горд на своето однесување на теренот. Играв фудбал со него на улица и луѓето постојано доаѓаат да се фотографираме. Секако дека ќе им ја исполнам желбата, а син ми ме прашува: Тато, ги познаваш тие луѓе? Зошто се фотографирате?“, откри Ѓоковиќ.
Сепак, Србинот откри и детал, кој му го „кине“ срцето на делови, откако неговиот син ќе го праша зошто не се заедно.
„Не знаев што да му одговорам. Потоа му реков: Понекогаш играм тенис и понекогаш сум на ТВ. А Стефан ме праша: Тато, зошто си на тенискиот терен, а не со мене? Тоа многу ме боли“, вели Србинот.
Life of a tennis dad ???? #dadlifeisthebestlife pic.twitter.com/ZsBfPRx5Zw
— Novak Djokovic (@DjokerNole) February 12, 2019
