Претседателот на Баерн Минхен, Ули Хенес, откри на кој начин тренерот на Манчестер сити ги добива парите за посакуваните трансфери.
Хенес откри дека Пеп Гвардиола нема проблем никаков во Манчестер и дека може да го добие секое засилување.
„Мојот пријател Пеп ми кажа што се случува кога сака да ангажира фудбалер, кој чини 100 милиони. Тој собира неколку видео-снимки, седнува во авион и оди кај шеикот. Тој го носи на вечера, ги гледаат снимките и му ги дава парите“, вели Хенес.
Баерн со 60 бодови го држи првото место на табелата во Бундеслигата, со подобра гол-разлика од Борусија Дортмунд, која има ист број бодови, а следниот меч Баварците во сабота го играат од 15.30 часот против Фрајбург.
