Манчестер јунајтед би можел да остане без Хуан Мата на крајот на сезоната, зашто му завршува договорот, но клубот сака да му ја продолжи соработката.
Мата има 30 години, но и други понуди, според неговиот татко.
„Манчестер јунајтед испрати понуда за продолжување на договорот, ние сме среќни поради тоа. Сепак, постојат и други понуди од тимови кои играат во Лигата на шампиони. Шпанија е можеби наредната дестинација, но денеска не е ден да зборувам за тоа, зашто немаме донесено конечна одлука“, кажа неговиот татко.
Мата пристигна во Јунајтед во 2014 година, а интересно е тоа што тогаш Манчестер јунајтед го урна рекордот за трансфер, откако плати за него 37,1 милион фунти.
