„Скај Спортс“ пренесува дека Марко Арнаутовиќ доставил барање за трансфер, втор пат во последните шест месеци.
Австрискиот репрезентативец побара да биде продаден и минатата зима, но тогаш не дојде до негово заминување од клубот, па набрзо го продолжи договорот.
Сепак и покрај продолжувањето на соработката, Арнаутовиќ повторно побарал да биде ставен на трансфер листа и да биде пуштен да си замине во Кина. За него постоеше интерес од Шангај минатата зима, а сега според Скај Спортс уште еден кинески тим понудил 22 милиони фунти за него.
Понудата била одбиена од Вест Хем, а тоа многу го налути братот на Марко, Даниел Арнаутовиќ кој истакна дека клубот го смета неговиот брат како стока за на пазар.
