Пред дербито, падна најважниот потпис во Манчестер Сити! ↓↓↓
Стигнаа пет засилувања, имаше и заминувања, Спарси делуваат поопасни отколку некогаш.
Тотенхем во минатата сезона водеше голема борба со Лестер околу титулата во Премиер лигата, но се слизнаа против Челси пред самиот крај на шампионатот и трофејот отиде на „Кинг Пауер“.
Најголемо изненадување во минатата сезона секако е споменатиот Лестер, но никој не очекуваше дека Пеачите можат така добро да играат речиси до самиот крај на шампионатот и да бидат еден од најдобрите тимови во лигата.
На крајот завршија како трети, бидејќи ремито со Сините и загубата на титулата ги обесхрабри па Њукасл ги „прегази“ со 5:1, а Арсенал со серија на добри резултати успеа да стигна до пизиција два.
Сега делуваат далеку подобро, деведоа засилувања со кои и во Лигата на шампионите ќе бидат повеќе од респектабилни, а во најелитното фудбалско натпреварување на Стариот континент се наоѓа во група Е со ЦСКА од Москва, Баер Леверкузен и француски Монако.
Делува дека со новите засилување, можат и во нокаут фазата на ЛШ, иако се наоѓа во прилично изненадувачка група.
Значи, стигна Виктор Ванјама (Саутемптон), кој е веќе во стартните 11, а даде и гол во одлучувачкиот меч со Палас нема сомнеж дека со доведувањето на Кениецот направија полн погодок.
После него ангажиран е и Винсент Јансен (АЗ Алкмар), Холанѓанецот сеуште се адаптира на „островскиот“ фудбал, но ако по утрото се познава денот и тој треба да биде одлична аквизација.
Кејн конечно доби вистинска конкуренција за стартните 11, Спарси несомнено имаат посилен напад отколку во минатата сезона.
После двомесечна сага стигна и талентираниот Жорж Кевин Нкуду (Олимпик Марсеј), тој доаѓа да конкурира за местото по десно крило со Ерик Ламела.
За позиција трет чувар на мрежата е доведен 21-годишен Шпанец Пау Лопез од Еспањол, и на голот се добро покриени и покрај повредата на Уго Лорис.
Последното засилување, можеби и најголемото, пристина во четвртокот, во „минута до 12“ од редовите на Њукасл.
Во прашање е Муса Сисоко, кој важеше во текот на целото лето за голема желба на Реал Мадрид и Јувентус.
Сепак, „Кралскиот“ клуб и „Старата дама“ се откажаа, во „трката“ се вклучи и Евертон, но во последен Муса избра и го избра Вајт Харт Лејн пред Гудисон.
Тој по вокација е централен играч за врска, но е исклучително снаодлив и по потреба може да игра и на позиција дефанзивен и офанзивен играч за врска, како и на десно крило.
Тимот го напушти Набил Бенталеб (Шалке), Клинтон Муа Нжије (Олимпик Марсеј), Насе Чадли (ВБА), Рајан Мејсон (Хал Сити), Алекс Причард (Норвич), ДеАндре Једин (Њукасл) и Федерико Фацио (Рома).
Значи, кога се ќе се собере и одземе, вака Спарси може да изгледаат во сезоната пред нас.
