Пред дербито, падна најважниот потпис во Манчестер Сити! ↓↓↓
Осман Дембеле веќе некое време е надвор од терените поради повреда, а минатата недела започна со тренинзи со остатокот од тимот.
Кике Сетиен изјави пред неколку дена дека не сака да преземе никаков ризик за Дембеле, и дека ќе се врати на терените кога ќе биде 100% подготвен. Французинот веќе неколку дена тренира со остатокот од тимот и се објави дека тој ќе игра за две недели.
Како и да е, во Барселона утрово повторно се појави алармот бидејќи Дембеле мораше да го напушти тренингот порано. Почувствувал болка во десната нога по што веднаш го напушти тренингот.
Сè уште не е познато каква е повредата и дали тоа дополнително ќе го продолжи неговото отсуство од терените. Се очекува Барселона да излезе со повеќе информации до крајот на денот и да открие што се случува во моментов околу Дембеле.
Дембеле има одиграно само девет натпревари во сите натпреварувања оваа сезона, постигнувајќи само еден гол.
