Германските медиуми пишуваат дека Манчестер сити се согласил на размена со Баерн Минхен, поточно Алаба требало да биде дел од преселбата на Сане во германскиот гигант.
Причината е јасна зошто Гвардиола го сака Алаба. Тој може да игра и како лев бек и како стопер, иако во австриската репрезентација игра во средниот ред.
Меѓутоа, проблемот е во фудбалерот на Баварците. Тој го ангажирал Пини Захави затоа што сака да замине од Минхен, но не во Премиерлига, туку во Шпанија.
Барселона и Реал Мадрид го сакаат Алаба и тој верува дека Захави ќе му помогне да направи трансфер во Шпанија следното лето.
