Реал Мадрид добива неочекувано засилување во продолжение на сезоната бидејќи Еден Азар се појави на тренинг по паузата поради пандемијата на коронавирусот и кажа дека речиси целосно оздравел од операцијата на зглобот.
Белгискиот репрезентативец последниот меч го одигра во февруари против Леванте, а потоа на почетокот на март направи операција во Далас.
Фантастичниот фудбалер кажа дека има план да оздрави до крајот на сезоната, а потоа да игра на Европското првенство. Меѓутоа, се случи пандемијата и турнирот беше одложен за следната година, а Ла Лига е стопирана до 20 јуни, кога се планира да продолжи.
Азар се појави на тестирање на клубот каде што на тренерот Зинедин Зидан и соиграчите им покажа дека е речиси оздравен од повредата.
