Македонскиот репрезентативец Бобан Николов беше промовиран во тимот на Лече, каде што пристигна од унгарски Мол Види.
Николов доаѓа во Лече и ќе му се приклучи на поранешниот репрезентативец Леонард Жута, па за главна задача ќе има да избори промоција во Серија А со Лече.
Македонскиот фудбалер имал понуда и од Бреша, но се советувал со македонскиот капитен Горан Пандев, по што го избрал Лече.
„Преговарав со Бреша и бев блиску до нивниот тим, но Лече е клуб со долга традиција, играа во Серија А и Серија Б. Проектот е амбициозен и ќе дадам максимум за да се претставам во најдобро можно светло. Преговорите со Лече почнаа пред еден месец, Пандев ми кажа убави работи за екипата“, вели Николов.
