Јовиќ откри кој му бил најголемиот проблем со Зидан!


Анде Јанков - македонски автор: Тајните на пишување добар крими роман!? ↓↓↓


Лука Јовиќ мина 18 месеци во Реал Мадрид и притоа постигна само два гола, а во само два настапи за Ајнтрахт Франкфурт веќе постигна три погодоци.

Сега уште еднаш се наврати на периодот минат во Мадрид, каде што стигна како големо засилување платено 60 милиони евра, но ситуацијата не се развиваше како што треба.

„Имав многу несреќа во Реал Мадрид, неколку повреди, приватни проблеми. Сакав да се вратам тука и да бидам среќен. Тоа е предноста за фудбалерите, кога имате доверба во тренерот и кога често играте“, вели Јовиќ.

Германските новинари ги интересираше и споредба меѓу Зинедин Зидан и сегашниот тренер на Франкфурт.

„Не би влегувал во детали. Тие се неверојатни тренери. Веќе кажав дека Зидан е чесен и феноменален човек. Со сегашниот тренер имам подобра комуникација, зашто и двајцата зборуваме англиски. Со Зидан го немав тоа, зашто тој не знае англиски, а јас не знам шпански“, вели Јовиќ.