Тренерот на Манчестер сити, Пеп Гвардиола се изнервира по едно прашање на новинарите пред натпреварот против Саутемптон во Премиерлигата.
Саутемптон беше прегазен пред неколку меча со 0-9 од Манчестер јунајтед, па Гвардиола доби прашање дали очекува сличен резултат.
„Да, ќе им дадеме 18 голови. Какво ти е тоа прашање? Мислите ли дека ова е шега? Јунајтед постигна девет гола, но 88 минути играше со фудбалер повеќе. Ајде ве молам да бидеме сериозни…“, кажа Гвардиола.
Натпреварот меѓу „граѓаните“ и Саутемптон ќе се одржи утре со почеток од 19 часот.
