Европската фудбалска унија (УЕФА) го соопшти распоредот на натпревари за новата сезона во Лигата на шампиони.
Средбата од групата Е меѓу Барселона и Баерн Минхен ќе се игра уште во првото коло, во вторник на 14 септември, а дуелот е закажан на „Ноу Камп“.
Во истиот ден одбраната на титулата ја почнува и Челси, а нивни ривал е Зенит, кој доаѓа во Лондон на „Стемфорд бриџ“.
Интер во првото коло на 15 септември ќе го пречека Реал Мадрид, а истиот ден ќе играат и Ливерпул и Милан.
Големото дерби меѓу ПСЖ и Манчестер сити е закажано во второто коло, односно на 28 септември, а домаќин е францускиот тим.
