Лука Модриќ уште не се договорил за продолжување на договорот со Реал Мадрид, но тренерот на шпанскиот гигант Карло Анчелоти со голем комплимент даде до знаење каков е статусот на Хрватот.
Капитенот на хрватската репрезентација пред неколку месеци го продолжи договорот на една година и тогаш се согласи да земе 10 отсто помала плата.
Модриќ неодамна наполни 36 години, а сегашниот договор му завршува во јуни, што значи дека веќе може да почне преговори со нови тимови.
Меѓутоа, тој речиси сигурно ќе остане во Реал, а за тоа пишуваше и шпански „АС“ и тоа го потврди и Анчелоти.
„Модриќ уште не потпишал нов договор, но тој практично има доживотен договор со Реал Мадрид“, кажа Анчелоти.
