Барселона почна да ги решава финансиските проблеми со кои се соочува, па наскоро се очекува клубот да потпише уште неколку спонзорски договори за да се намали долгот и да му се овозможи на тренерот Чави Ернандез да ангажира нови засилувања.
По потпишаниот договор со „Спотифај“ почнаа шпекулациите дека Барселона на лето ќе ангажира неколку фудбалери, а тројца треба да пристигнат од актуелниот европски шампион Челси.
Каталонски „Спорт“ објави дека Барселона почнала преговори со тројца фудбалери на Челси, а тоа се Цезар Аспиликуета, Андреас Кристенсен и Антонио Рудигер, кои имаат договори до крајот на сезоната со премиерлигашот.
Рудигер не сака да го продолжи договорот затоа што побара поголема плата, а останатите двајца во моментов не водат други преговори со Челси.
