Македонскиот ракометар Тоше Ончев се врати во Македонија, каде што потпиша тригодишен договор со Охрид.
Ончев се враќа во Македонија од Словенија, каде што играше за Тимо Требње, а претходно 25-годишниот ракометар настапуваше за Вардар јуниор, Вардар, Пелистер, Вернулт и Сент Марсел Вермон, Керкира и Работнички.
„Прво пред се голема благодарност до клубот и управата за довербата што се одлучија за мене да ме доведат во своите редови. Кога ми се јавија да преговараме, ми го кажаа проектот за во иднина и тоа ме привлече да се вратам назад во мојата родна земја“, кажа Ончев.
