Анде Јанков - македонски автор: Тајните на пишување добар крими роман!? ↓↓↓
Манчестер јунајтед доживеа два порази во воведните две кола во Премиерлигата, и тоа од Брајтон со 1-2 и од Брентфорд со убедливи 0-4.
Тренерот на Јунајтед, Ерик Тен Хаг е разочаран од стартот, по што побара од раководството нови и квалитетни засилувања до крајот на летниот преоден рок.
„Ние сме во процес на транзиција. Очекувавме поразличен старт на сезоната. Потребни ни се нови фудбалери, односно квалитетни засилувања. Работиме на тоа и се надеваме дека ќе ги ангажираме до крајот на летото“, кажа Тен Хаг.
„Ѓаволите“ ова лето ги ангажираа Кристијан Ериксен, Тајрел Маласија и Лисандро Мартинез, а тимот се наоѓа и во преговори со Адриен Рабио.
