Шпанскиот гигант Реал Мадрид продаде дел од фудбалерите ова лето, но претседателот Флорентино Перез смета дека имаат добар состав кој може да ги одбрани титулите во Ла Лига и Лигата на шампиони (ЛШ).
Тренерот Карло Анчелоти нема да смета на Алваро Одриозола следната сезона, па поради тоа „кралевите“ сакаат да го продадат, а интерес постои од Премиерлигата.
Шпански „АС“ објави дека Нотингем Форест е заинтересиран за Одриозола и се надева дека може да го договори до крајот на летниот проден рок.
Засега не е познато колку пари ќе понуди Нотингем Форест, кој сезонава се врати во елитата по долга пауза.
