Шпанскиот шампион Реал Мадрид размислува за иднината, па веќе го договорил бразилското чудо од дете Ендрик, кој од 2024 година треба да го облече нивниот дрес.
Овој 16-годишен фудбалер ги воодушеви сите и привлече интерес од неколку европски гиганти, но „кралевите“ биле најупорни во намерата да го добијат неговиот потпис.
„Ќе патуваме во Реал на тренинг-камп на крајот на месецот, по разговорите во Реал ќе е испратат понуда до Палмеирас“, кажа таткото на Ендрик.
Палмеирас е свесен за талентот кој го имаат во нивниот состав, па за трансферот на Ендрик се очекува да заработат 60 милиони евра колку што треба да исплатат „кралевите“.
