Реал Мадрид постојано се поврзува со најзвучните фудбалски имиња, но веќе долго време медиумите пишуваат дека во шпанскиот гигант ќе пристигне Џуд Белингам.
Иднината на Лука Модриќ и Тони Крос сè уште не е позната, додека развојот на Едуардо Камавинга не се одвиваше според плановите и затоа Белингам треба да ја пополни „дупката“ во екипата.
Иако за 19-годишниот англиски репрезентативец постои голем интерес и од други гиганти, сепак првиот човек на „кралевите“, Флорентино Перез е самоуверен дека може да ја добие битката за Белингам.
Освен „кралскиот клуб“, за услугите на Белингам се заинтересирани Манчестер сити, Манчестер јунајтед, Челси и Ливерпул.
