Напаѓачот на Баерн Минхен, Садио Мане предизвика инцидент во соблекувалната на германскиот гигант, откако го нападна Лирој Сане.
Мане поради неговиот срамен потег мораше да се извини, но и тоа не го спаси од казна, откако Баерн Минхен го суспендира.
„Мане нема да биде дел од тимот на Баерн за мечот против Хофенхајм следната сабота. Причина за тоа е недоличното однесување по натпреварот против Манчестер сити“, соопшти баварскиот гигант.
Искусниот напаѓач оваа сезона пристигна во Минхен за 41 милион евра од Ливерпул, а во текот на кариерата играше и за Мец Б, Ред Бул Салцбург и Саутемптон.
