Шпанецот Рафаел Надал најави дека ќе се врати на теренот во 2024 година, па тоа ги возбуди неговите фанови, но постојат и скептици дека тој ќе ги повтори настапите од минатото.
Надал сака да биде на највисоко ниво и да се бори за титули, но поранешниот тенисер Џим Куриер вели дека не треба да се очекуваат неверојатни резултати.
„Тоа што се надевам е да не го видиме она што му се случи на Федерер. Знаете дека и тој работеше напорно да се врати, па имаше лош потег и тоа беше крај за него. Да се надеваме дека нема да гледаме такво сценарио“, вели бившиот тенисер.
